बघेली लोक साहित्य
जब से मूड़े मा कउआ बइठ है।
अशगुन लये बऊआ बइठ है। ।
इंदिरा आवास कै क़िस्त मिली ही
वा खीसा मा डारे पउआ बइठ है। ।
पर साल चार थे दाना नहीं भा
औ सेंदुर रुपया लये नउआ बइठ है। ।
छै महिना से मजूरी नहीं मिली
वा कखरी मा दाबे झउआ बइठ है। ।
उइ कहा थें देस भ्रष्टाचार मुक्त है
कुर्सी मा जहां देखा तहां खउआ बइठ है। ।
गरीबी से बोलिआय का अंदाज अलग है
उई हंस का बताउथे भतखउआ बइठ है। ।
हेमराज हंस ===9575287490
कोई टिप्पणी नहीं:
एक टिप्पणी भेजें