श्री राघव जू खुद कहिन, तमिलनाडु मा साफ।
जे अइ उनखे सरन मा, सगले अइगुन माफ।।
हेमराज हँस
बघेली साहित्य -का संग्रह हास्य व्यंग कविता गीत ग़ज़ल दोहा मुक्तक छंद कुंडलिया
भले लगा लें जोर सब, उनही दई तिलाक।
करके चूर घमंड का, टोरिहै राम पिनाक।।
चाहे कोउ तिनगै भले, झूरै भांजै तेंग।
जे पूजिस ही अबध का अबकी पाई नेग।।
यतर करी मतदान हम, लगै अउर का ईर।
पूरे भारत मा बनै, आपन बूथ नजीर।।
देस हमीं जीबन दइस, औ सुबिधा चउकेठ।
हंस हमूं मतदान कइ,बनी नागरिक ठेठ।।
सब झंझट का छोड़ि के करी बोट भर पूर।
निकहा प्रत्याशी चुनी जात पात से दूर।।
लोकतंत्र आपन हबय, दुनिआ का लकटंट।
जनतै लड़िअमफूस ही ,जनता ही श्री मंत।।
अपना से बिनती हिबय, डारी सब जन बोट।
जिव निछोह बिदुरा सकैं, लोकतंत्र के ओंठ ।।
जेखे आंखर बने हें, जनता के स्वर दूत। बंदन है जयराम जी, बिन्ध्य के बानी पूत।। सादर ही शुभ कामना बरिस गाँठ के हेत। करत रहै लेखनी सद...