बघेली साहित्य bagheli sahitya हेमराज हंस : चढ़य मूँड़ घर मा मालकिन का

बघेली साहित्य bagheli sahitya हेमराज हंस : चढ़य मूँड़ घर मा मालकिन का : जात  फलाने  ******************* होइगै सड़क जब तात फलाने।  जराथें    तरबा   लात   फलाने।।    को   को   ओखे   ऊपर  हींठा  वा   नहि  पूंछय   जात...

राबन जब राजा बना,

राबन  जब  राजा  बना,  दीन्हिस बनै कनून। 

जेखे टेक्स कै जर नहीं, वखार लइ ल्या खून।।

वखार लइ ल्या खून चली न कउनव  वाठर।

जनता  का ल्या चूस बचै बस केबल ढाठर।। 

डिग्गी  बज  गय देस भरे मा गांवन गांवन। 

गेट औ टटबा  एक भाव सब द्याखै राबन।। 

             हेमराज हंस      

सरी ब्यबस्था गाँव कै,

 सरी  ब्यबस्था  गाँव कै, लीन्हे ही बइठान। 

ओखे  ऊपर  टेक्स का ,आबा है फरमान।। 

आबा  है  फरमान  बचै  न कउनव  जनता। 

चाह मड़इया बखरी हो या कोलिया खन्ता।। 

हंस कहिन अब उनहूँ का तो पलटी तकथा। 

लाद  रहें  जे  टेक्स  गाँव  के सरी ब्यबस्था। । 

बाबूलाल दाहिया

 बघेली कविता के जेष्ठ और श्रेष्ठ कवि
         (39 वी क़िस्त)
       श्री हेमराज 'हंस '
     आज यदि पुरानी कविताओ से नई कविताओ का तुलनात्मक अध्ययन किया जाय तो ऐसा लगता है कि नए युवा कवियों के कहन में और तीखा यथार्थ व कविताओ में ज्यादा पैना पन है।
  मनुष्य के क्रमिक विकास को यदि देखे तो उसने जो भी  अनुभव और अनुसंधान किया उसे नई पीढ़ी को बताया। नई पीढ़ी ने उसकी समीक्षा की। परिस्थिति जन्य कारणों से जो छोड़ने लायक था उसे छोड़ा और शेष में अपना अनुभव तथा अनुसंधान जोड़ती चली गई।
          ठीक उसी प्रकार हमारे युवा कवियों ने पुराने कवियों की कविताए तो पढा ही उनने चार कदम आगे बढ़ते हुए यह भी सोचा कि अब हमें वर्तमान परिस्थितियों को देखते और क्या क्या लिखना चाहिए  जो आज के समाज के माप डंडों में खरा उतरे ?
      ऐसे ही सम्भावनाओ से युक्त आज हम जिस कवि से आप की भेट करा रहे है  वे है श्री हेमराज त्रिपाठी 'हंस' श्री हंस सतना जिले के मैहर ब्लाक के भेड़ा गाँव के निवसी है।
     उनने मुक्तक ग़जल दोहे घनाक्षरी आदि अनेक बिधाओ में अपनी बघेली कविताए लिखी है।
आइये सब से पहले उनके कुछ मुक्तक देखिये।

फलाने कै भंइसी निकहा पल्हाथी,
लगाथै आँगनबाड़ी कै दरिया वा खाथी।
गभुआर बहुरिगें धांधर खलाये ,
सरकारी जोजना ठाढ़े बिदुराथी।।

नल तरंग बजाऊ थें बजबइया झांझ के,
देस भकती चढा थी फलाने का सांझ के।
उनही ईमानदार कै उपाधि दीन गै,
जे आंधर बरदा बेंच दइन काजर आंज के।।

सनीचर का पता अढइया से पुंछत्या हय,
सांन्ती का पाठ लड़इया से पुंछत्या हय।
भोपाल से चला औ चउपाल मां हेराय गा,
बिकास का पता मड़इया से पुंछत्या हय।।

या बिपत के धरी मां तुमहूं भजामैं आय गया।
तरबार फरगत के जघा पायल मजामै आय गया।
अबहिन एक किसान कै लहास उची ही दुवरा से,
तुम खेती क लाभ का धंधा बतामैं आय गया।।

समाज मा दहेज कै जबर दुकान होथी।
नींद नही आबै जब बिटिया सयान होथी।।
उंइ देस से कहिन तै कि भागबत सुनबाउब
हेन किसानन के घर मा गरुड़ पुरान होथी।

       अगली कड़ी में आप श्री हेमराज हंस जी का एक घनाक्षरी छन्द देखे।

उंइ कहा थें देस से गरीबी हम भगाय देब,
गरीबी य देस कै लोगाई आय नेता जी।
गरीबी भगाय के, का खुदै तुम पेटागन मरिहा,
तोहई पालैं निता, बाप माई आय नेता जी।।
गरीबी के पेंड़ का मंहगाई से तु सींचे रहा ,
तोंहरे निता कल्प बिरिक्ष नाई आय नेता जी ।
भांसन के कबीर से अस्वासन के अबीर से ,
तोहरे बोलिआंय का भउजाई आय नेता जी।।

    अब  लगे हाथ श्री हंस जी के दोहो के भी तीखे तेवर देखे ?
राखी टठिया मा धरे बहिनी तके दुआर।
रक्षाबंधन के दिना उंइ पहुंचे ससुरार।।

बड़ी जबर साहुत हिबै जातिबाद के हेत।
तउ बिटिया के बाप का बिकगा सगला खेत।।

 जेही सब मानत रहें जादा निकहा सूध।
ओखे डब्बा मा मिला सबसे पंच्छर दूध।।

जबसे कुरसी मा चढा आपन मूसर चंद।
अपने का मानैं लगा बड़ा बिबेकानंद ।।

भृष्टाचार का होइ रहा देस मा यतर निदान।
जइसा जींस क पहिर के काटै फसल किसान।।

 उनकी एक ग़जल का जायका लेना भी उपयुक्त रहेगा?

बारजा बचा हय ओरिया कहां ही,
चंदा मामा दूध कै खोरिया कहां ही।
रासन कारड हलाबत तिजिया चली गै,
कोटा बाली चिनी कै बोरिया कहां ही।।
नोकरी लगबामै का कहि के लइ गया तै,
वा गरीब कै बड़मंसी टोरिया कहां ही ।
आजादी के अस्वमेघ कै भभूत परी ही ,
लिंकन के लोकतंत्र कै अंजोरिया कहां ही।।
वा परदूसन कै पनही पहिरे मुड़हर चलागा,
गांव के अदब कै ओसरिया कहां ही ।
 घर के सुख संच कै जे जपत रहें माला ,
वा पिता जी कै लाल लाल झोरिया कहां ही।।
    इस तरह श्री हेमराज त्रिपाठी ,हंस ,ने बघेली की अनेक बिधाओ में अपने हास्य ब्यङ्ग और तीखे तेवर की कविताए लिखी है।    

 ✍️  बाबूलाल  दाहिया

 धन्न  बिंध्य  कै  भूमि  या  धन्न श्री बाबूलाल।
गदगद माटी होइ रही गाँव गली चउपाल।।
 
बघेली केर बिश्वबिद्यालय रिमही केअक्कास ।
बोली   माता  सारदा   बाह   बेटा    सब्बास। ।  

धन्न  पिथौराबाद  का  बनगा  एक  मिसाल।
बसकट कै सुभकामना लेब श्री बाबूलाल।।

विंध्य सतपुड़ा से शिखर ,लगते दोनों आप। 

दोनों के दर्शन हमें , लगते पुण्य प्रताप। । 

 

बघेली साहित्य bagheli sahitya हेमराज हंस : आबा बिकास का गड़बा देखाई थे। BAGHELI KAVITA

बघेली साहित्य bagheli sahitya हेमराज हंस : आबा बिकास का गड़बा देखाई थे। BAGHELI KAVITA: आबा   बिकास  का  गड़बा  देखाई  थे।  वमै डबरा योजना का पड़बा दिखाई थे।।    जउन किसानन  कै आमदानी भै दूगुन  ओखे  मड़इया  के  खड़बा  देखाई थे। ।   ...

सगली दुनिया हिबै अचंभित

सगली दुनिया हिबै अचंभित ,दइके नाक रुमाल। 

सत्य अहिंसा के धरती मा , करुणा होय हलाल। । 

छाती पीट -पीट के रोबै, साबरमती कै धारा। 

अब ता बरनव के घर माही। धधक रहें अंगारा। । 

कोउ बता द्या राजघाट मा ,गांधी जी से हाल। 

जहाँ कै माटी सत्य अहिंसा केर विश्वविद्यालय। 

वहै धरा मा  बहै खून ,औ मार  काट का परलय। । 

गौतम गाँधी के भुइ माही बसे हमै  चंडाल। 

भारत माता के बिटियन के मरजादा का बीमा। 

अब ता उनखे बेसर्मी कै नहि आय कउनौ सीमा। । 

बड़मन्सी कै बोली ब्वालै बड़ बंचक बचाल। 

काल्ह द्रोण मागिन तै अउठा ,आज लइ लइन जान। 

बिद्या कै पबरित परिपाटी तक होइगै बलिदान। । 

रह्यान कबौ हम बिश्व गुरु पै आज गुरू घंटाल। 

शहरन माही आजादी के होथें मङ्गलचार। 

आजव भारत के गॉवन का दमै पबाई दार। । 

सामंती के दुनाली से कापि रही चउपाल।

 

बघेली साहित्य bagheli sahitya हेमराज हंस : जइसा नहा मा फांस

बघेली साहित्य bagheli sahitya हेमराज हंस : जइसा नहा मा फांस:  नेता   जी  के  नाव  से  उभरै  चित्र  सुभाष। अब के नेता लगि रहें जइसा नहा मा  फांस।।

 

<script async src="https://pagead2.googlesyndication.com/pagead/js/adsbygoogle.js?client=ca-pub-2347140791409724"
     crossorigin="anonymous"></script>

बघेली साहित्य bagheli sahitya हेमराज हंस : अपना के तेल मा

बघेली साहित्य bagheli sahitya हेमराज हंस : अपना के तेल मा:  अपना के तेल मा खरी अस जनाथी। या सम्बेदना मसखरी अस जनाथी।। जे डबल रोटी   का  कलेबा करा थें उनही अगाकर जरी अस जना थी। ।

राखी का तेउहार

कांपाथी सुभकामना हांफै राम जोहार।

 भद्रा मा आसौं परा राखी का तेउहार।।

बघेली मुक्तक

जानी थे सुमर आय पै बराह मानी थे। 

काहू कै नमूंजी करब गुनाह मानी थे।। 

गंगा कबेरी रेबा त मंत्र आंय नहात के 

हम बांस बिरबा तक का बाह मनीथे।। 

दानी ता दानी उंइ सूम तक का जानाथें।

दानी ता दानी  उंइ सूम तक का जानाथें। 

बड़े अंतरजामी हें बाथरूम तक का जानाथैं।। उनसे खुई कइ के सुंग कण्व न बनाबा 

उंई मंत्र पिंडदान से हूम तक का जानाथैं।। 

बड़े अदब से बोलिए,

बड़े अदब से बोलिए, उनखर जयजयकार। 

नस्सा माही सांझ ही, फड़ मा बइठ सकार।। 

चुटकी भर के ज्ञान का

चुटकी भर के ज्ञान का झउआ भर परमान। 

तउअव अपने आप का हंस कहै बिद्वान।। 

गांधी जी अमर हैं गंगा के धारा अस

गांधी जी अमर हैं गंगा के धारा अस। 

देश के माटी मा जन जन के नारा अस।। 

गांधी पढाये जइहैं  सब दिन इसकूल मा 

भारत के बचपन का गिनती औ पहाड़ा अस।। 

कोऊ अमीरी से त कोऊ गरीबी से दुखी है

कोऊ अमीरी से त कोऊ गरीबी से दुखी है। 

कोउ दुसमन से त कोउ करीबी से दुखी है।। 

या दुनिया मा सुख संच हेरे नही मिलय 

कोऊ मिया से ता कोउ बीबी से दुखी है।। 

उंई चाहाथें देस मा बाउर पइदा होंय

उंई चाहाथें देस मा बाउर पइदा होंय ।

औ उनखे घर मा जनाउर पइदा होंय ।।

एक   बूंद   पानी   न   बरखै  खेत मा

औ सीधे धान नही चाउर पइदा होंय।।